जळका पटाचे माजी सरपंच तथा प्रशासक पराग राऊत यांचे पाय आणखी खोलात !

ग्रा. प. च्या कथित भ्रष्टाचार प्रकरणातील अनेक कामात अनियमितता असल्याचे चौकशीत उघड

धामणगाव रेल्वे –

२६ जानेवारी २०२६ पासून प्रामुख्याने तालुक्यासह जिल्ह्यात या ना त्या करणारे चर्चेत असलेल्या ग्रा. प. जळका पटाच्या कथित भ्रष्टाचाराच्या चौकशी अहवाल प्राप्त झाला असून त्यामध्ये अनेक धक्कादायक बाबी समोर आल्या असून त्यामध्ये माजी सरपंच पराग राऊत यांचे पाय आणखी खोलात असल्याचे दिसत आहे. गावकऱ्यांनी एकजूट होऊन सरपंचाने केलेल्या कथित भ्रष्टाचाराची सखोल चौकशीची मागणी तक्रारीद्वारे करण्यात आली होती. त्या अनुषंगाने ग्रा. प. च्या विकासकामातील एकूण २६ मुद्द्यांची २ विस्तार अधिकारी यांच्या अधोरेखित चौकशी करण्यात आली असताना चौकशी अहवालात अनेक कामात अनियमितता आढळून आली आहे तर अनेक कामे एकाच ठेकेदाराला देण्यात आले असून त्यात ग्रा. प. ने वैयक्तिक हितसंबंध जोपासल्याचा सुद्धा ठपका ठेवण्यात आला आहे.

चौकशी अहवालात तत्कालीन सरपंच तसेच सचिव यांच्यावर ठेवण्यात आलेला ठपका

१) आराखड्यात नमूद बंधिस्त नाली बांधकाम समाविष्ट असताना ग्रामपंचायतीने कुठेही बंधिस्त नालीचे प्राकलन तयार केल्याचे आढळून आले नाही.
२) ग्रा. प. आराखड्यात नमूद असलेल्या कामामध्ये आणि शासकीय मंजुरात देत असलेल्या कामाच्या नावामध्ये तफावत
३) सन २०२२-२३ ते २०२३-२४ या काळातील लेख परीक्षण पूर्ण झालेले असताना लेख परीक्षकाद्वारे तक्रारीतील काही मुद्दे आक्षेपाधीन आढळून आले. परुंत त्यात कुठलेली वसूलपात्र रक्कम दिसून आली नाही.
४) बांधकामे, साहित्य खरेदी इलेक्ट्रिक फिटिंग व इतर कामे करीत असताना एकाच व्यक्तीच्या निविदा मंजूर करण्यात आल्या असल्याने ग्रा. प. ने वैयक्तिक हितसंबंध जोपासल्याची बाब नाकारता येत नाही.
५) अनेक कामे निविदा प्रक्रिया न राबविता परस्पर ठेकेदाराला देण्यात आले.

अनियमितता आढळून आलेल्या कामाची यादी –

१) आर. ओ. च्या कामात
२) अमृत सरोवर च्या कामात
३) स्मशानभूमीमध्ये रॅम्प बसविणे
४) वृक्ष लागवड पाइपलाइनवर करण्यात आलेला खर्च

शेतकरी प्रशिक्षणाच्या नावावर फिरून आले ग्रा. प. पदाधिकारी

ग्रा. प. मार्फत शेतकरी प्रशिक्षणावर ५० हजार खर्च करण्यात आला. ज्यामध्ये थंड हवेच्या ठिकाणी, अभ्यास दौरा, कुक्कुटपालन, गायपालन, खते तयार करणे चा समावेश होता. ज्यासाठी आंध्रप्रदेश येथील कुनटूर तसेच हेंद्राबाद येथील कुकुटपालन चा व्यवसाय बाबत मार्गदर्शन घेण्याचे ठरले होते. मात्र गावातील एकही शेतकरी या दौऱ्यामध्ये समाविष्ट नसून फक्त ग्रा. प. सरपंच, उपसरपंच, सदस्य असा ६ जणांचा समावेश आढळून आला. त्याकरिता चौकशीत दौऱ्यामध्ये शेतकरी समाविष्ठ असणे आवश्यक असल्याचे नमूद करण्यात आले आहे.

दरम्यान चौकशी अधिकारी यांनी दिलेल्या मुद्यांमधून पूर्णतः बाबी उघड केल्या नसल्याचा आरोप तक्रारदार यांच्याकडून करण्यात आला असून या करीता जिल्हास्तरीय चौकशी समिती स्थापन करण्याची मागणी करणार असल्याचे सांगण्यात आले….

क्रमशः