तालुकास्तरीय वुशू स्पर्धेत से.फ.ला. हायस्कूल व कनिष्ठ महाविदयालयाच्या विद्यार्थिनींची उल्लेखनीय कामगिरी ; विभागीय स्तरासाठी पात्र

धामणगाव रेल्वे : तालुका प्रतिनिधी

जिल्हा क्रीडा विभागातर्फे आयोजित तालुकास्तरीय व जिल्हास्तरीय स्पर्धांमध्ये वुशू (मिक्स मार्शल आर्ट) या क्रीडा प्रकाराची स्पर्धा जिल्हा क्रीडा संकुल, अमरावती येथे नुकतीच पार पडली. या स्पर्धेत धामणगाव येथील धामणगाव एज्युकेशन सोसायटी धामणगाव रेल्वे द्वारा संचालीत सेठ फत्तेलाल लाभचंद हायस्कूल व कनिष्ठ महाविद्यालयाच्या पाच विद्यार्थिनींनी आपापल्या वयोगट व वजनी गटांत प्रथम क्रमांक पटकावत विभागीय स्तरावर सहभागी होण्याचा मान मिळवला आहे.

ही स्पर्धा दिनांक १२ सप्टेंबर २०२६ रोजी अमरावती येथे आयोजित करण्यात आली होती. यामध्ये विरा रॉय, आराध्या कामाडी, हंसिका जगन महानुर आणि तृप्ती ठाकरे या विद्यार्थिनींनी व आफताब शहा या विद्यार्थ्याने घवघवीत यश संपादन केले. या शिवाय सार्थक सोनोने हा विद्यार्थी जरी अपयशी ठरला असला तरी त्याला स्पर्धेतील उत्कृष्ट खेळाडू म्हणून गौरविण्यात आले.

विध्यार्थ्यांच्या या यशामागे शारीरिक शिक्षक शोभेराम जावरकर, सौरभ पांडे व श्री. मरापे व सावन भिलावेकर यांचे मार्गदर्शन व मेहनत महत्त्वाची ठरली. विद्यार्थिनींनी सातत्यपूर्ण सराव व जिद्दीच्या जोरावर हे यश संपादन केले.

या उल्लेखनीय कामगिरीबद्दल सेफला विद्यालय व कनिष्ठ महाविद्यालयाचे प्राचार्य प्रशांत शेंडे, उपप्राचार्य प्रमोद हातेकर तसेच पर्यवेक्षक नरेश कावलकर यांनी विजेत्या खेळाडूंचे व मार्गदर्शक शिक्षकांचे मनःपूर्वक अभिनंदन केले असून, विभागीय स्तरावरील स्पर्धेसाठी शुभेच्छा दिल्या आहेत. या यशामुळे संपूर्ण धामणगाव शहरातून विद्यार्थिनी व शिक्षकांवर अभिनंदनाचा वर्षाव होत आहे.