धामणगावात भगवान महावीर यांचा २६२५ वा जन्मकल्याणक महोत्त्सव जल्लोषात साजरा

धामणगाव रेल्वे

भगवान महावीर जन्मकल्याणाक हा जैन धर्मीयांचा मुख्य सण असून २४ वे तीर्थंकर भगवान महावीर यांच्या जन्मकल्याणाक हा सण मोठ्या उत्साहात साजरा करण्यात येतो.

भगवान महावीर स्वामींचा जन्म भारतातील कुंडग्राम (बिहार) येथे ख्रिस्तपूर्व ५९९ वर्षांपूर्वी झाला होता. सध्या हे ठिकाण वैशाली (बिहार) चे वासोकुंड मानले जाते. २३ वे तीर्थंकर पार्श्वनाथ जी यांना निर्वाण (मोक्ष) मिळाल्यानंतर १८८ वर्षांनी त्यांचा जन्म झाला. जैन ग्रंथानुसार, जन्मानंतर, देवांचे मस्तक, इंद्राने मुलाला सुमेरू पर्वतावर नेले आणि मुलाला क्षीरसागराच्या पाण्याने अभिषेक केला, शहरात आले. वीर आणि श्री वर्गमान यांनी ही दोन नावे ठेवली आणि उत्सव साजरा केला. याला जन्म कल्याणक म्हणतात. प्रत्येक तीर्थंकराच्या जीवनात पंचकल्याणक उत्सव साजरा केला जातो. या उत्सवानिमित्त जैन मंदिरे विशेष सजवली जातात. भारतात अनेक ठिकाणी जैन समाजाकडून अहिंसा रॅली काढल्या जातात.

अशातच धामणगाव रेल्वे येथे सुद्धा वर्धमान महावीर यांच्या २६२५ व्या जन्मकल्याणाक महोत्सवानिमित्त जैन सामाज बांधवाच्यावतीने शिस्तबद्ध पद्धतीने शहरातून शोभायात्रा काढण्यात आली. सदरील शोभायात्रा स्थानिक गांधी चौक येथील श्वेतांबर जैन मंदिरातून सुरू होऊन शहरातील प्रमुख चौकांमधून मार्गक्रमण करत महावीर भवन येथे शोभायात्रेचा समारोप झाला. या शोभायात्रेचे मुख्य आकर्षण म्हणजे सजवलेला रथ आणि त्यावर विराजमान असलेली महावीरांची प्रतिमा होती. पारंपारिक वेशभूषेत सहभागी झालेल्या जैन बांधव आणि महिलांची उपस्थिती लक्षणीय होती. ‘जियो और जीने दो’ तसेच ‘अहिंसा परमो धर्म’ या घोषणांनी संपूर्ण परिसर दुमदुमला होता. तसेच उपस्थितांना अभिनंदन बँकेकडून आईस्क्रीम चे वितरण करण्यात आले. या जन्मकल्याणाक सोहळ्यात युवकांसह अबालवृद्धांनी उत्साहाने सहभाग नोंदवला.