धामणगाव रेल्वे
येथील ओयासिस कम्प्युटर (MS-CIT) येथे शुक्रवार, दिनांक २९ मे २०२६ रोजी विद्यार्थ्यांसाठी ‘पोक्सो ॲक्ट’ व ‘सायबर क्राईम’ या विषयांवर जनजागृती व मार्गदर्शन शिबिराचे आयोजन करण्यात आले होते. या शिबिरात विद्यार्थ्यांना कायदेविषयक माहिती तसेच डिजिटल सुरक्षिततेबाबत महत्त्वपूर्ण मार्गदर्शन करण्यात आले.
यावेळी दत्तापूर पोलीस ठाण्याच्या पोलीस उपनिरीक्षक सोनाली राठोड व माधुरी मॅडम यांनी विद्यार्थ्यांना पोक्सो कायद्याचे महत्त्व, सोशल मीडियाचा सुरक्षित वापर, ऑनलाईन फसवणूक टाळण्याचे उपाय तसेच सायबर गुन्ह्यांपासून सावध राहण्याबाबत सविस्तर माहिती दिली.
कार्यक्रमाच्या प्रारंभी संस्थेचे संचालक अमित रमेश शेंडे व ज्योती पोळ यांनी मान्यवरांचे स्वागत केले. या उपक्रमामुळे विद्यार्थ्यांमध्ये कायदेविषयक जागरूकता निर्माण होऊन सुरक्षित व जबाबदार डिजिटल वापराबाबत महत्त्वपूर्ण माहिती मिळाल्याची भावना उपस्थितांनी व्यक्त केली.
Add Comment