धामणगाव रेल्वे

सोनोरा काकडे जवळ अवैध रेती वाहतूक करणारा ट्रॅक्टर पकडला

तहसीलदार अभय घोरपडे यांच्या नेतृत्वात महसूल पथकाची कारवाई

धामणगाव रेल्वे

तहसीलदार अभय घोरपडे यांच्या आदेशानुसार दि. ३१ ऑक्टो रोजी महसूल पथक गस्ती वर असताना सोनालिका कंपनीचा नवीन निळया रंगाचा आणि लाल रंगाची ट्रॉली मध्ये अवैध काळी रेती वाहतूक करताना आढळून आला. सदर रेतीचा परवाना विचारला असता कोणतीही पूर्तता करण्यात आली नसल्याने मौजा बोरगाव निस्ताने ते झाडा रोडवर सोनोरा काकडे फाट्यावर मंगेश सुखलाल ठाकरे रा. मंगरूळ दस्तगीर याचा ट्रॅक्टरवर कारवाई करण्यात आली आहे.

सदर ट्रॅक्टर मध्ये अंदाजे १ ब्रास रेती असल्याचे निदर्शनास आले. सदर ट्रॅक्टर चा व रेतीचा पंचा समक्ष पंचनामा करण्यात आलेला असून दंडात्मक कारवाई करिता ट्रॅक्टर तहसील कार्यालय येथे जमा करण्यात आलेला आहे.

सदर गौन खनिज पथकाच्या कारवाई मध्ये मंडळ अधिकारी कांबळे, व ग्राम महसूल अधिकारी चेतन चकूले, सागर भांडवले होते.

मुख्य संपादक : सुरज वानखडे

Featured

Welcome Post Advertisemnt

Advertisement

error: Content is protected !!