महिला खर्रा खाणाऱ्या म्हणणाऱ्या दोडक्या भावाला धडा शिकवा ; चित्रा वाघ यांचे आवाहन

धामणगावात भाजपा महिला आघाडी मेळावा

धामणगाव रेल्वे

धामणगावच्या विकासात कोणताही हातभार नाही केवळ आरोप करणे हाच धंदा असलेल्या व महिला खर्रा खातात म्हणणाऱ्या दोडक्या भावाला या निवडणुकीत धडा शिकवा असे आवाहन भाजपा महिला आघाडीच्या प्रदेशाध्यक्ष चित्रा वाघ यांनी केले.

धामणगाव नगर परिषदेच्या नगराध्यक्ष पदाच्या भाजपाच्या उमेदवार अर्चना अडसड रोठे व नगरसेवक पदासाठी रिंगणात असलेल्या भाजपाच्या वीस उमेदवारांच्या प्रचारार्थ वाघ आज आल्या होत्या आरोही रिसॉर्ट येथे आयोजित भाजपा महिला मेळाव्याला संबोधित करताना त्या म्हणाल्या की देशाचे पंतप्रधान नरेंद्र मोदी यांनी महिलांसाठी बालपणापासून तर संपूर्ण आयुष्यासाठी विविध योजना आणल्या त्या योजनेचा लाभ सर्वसामान्य महिलांना मिळत असताना काही दोडके भाऊ महिलांच्या विरोधात बोलतात या दोडक्या भावाला या निवडणुकीत धडा शिकवा असा अप्रत्यक्ष टोला त्यानी माजी आ विरेंद्र जगताप यांना मारला.

आक्का नव्हे तर ही दुर्गा!

धामणगाव शहराच्या विकासात भाजपाचे मोठे योगदान आहे अर्चनाअडसड उर्फ आक्का यांच्या कडे शहर विकासाचे व्हिजन आहे महिला संघटन शक्तीचा मोठा अनुभव आहे मी आक्का ऐवजी त्यांना दुर्गा नावानेच बोलविते शहरात स्वच्छता, पाणीपुरवठा, आरोग्य, महिलांसाठी सुरक्षितता अशा अनेक मूलभूत समस्यांवर निर्भीडपणे काम करून महत्त्वाकांक्षी योजना अर्चना अडसड राबविण्याचा त्यांचा निर्धार आहे त्यामुळे त्यांना व भाजपाच्या उमेदवारांना विजयी करण्याचे आवाहन चित्रा वाघ यांनी केले.

भाजप महिला आघाडी मेळाव्याला उपस्थित महिला वर्ग 

गत पंधरा वर्षात या शहराचा विकास सर्वाधिक झाला शहरातील महिलांच्या सुरक्षेच्या दृष्टिकोनातून ३ कोटीची सीसीटीव्ही कॅमेरे बसविण्याची ई प्रक्रिया पूर्ण झाली आहे शास्त्री चौक ते अजनसिंगी सह चार रस्त्यासाठी ५० कोटी चा निधी मंजूर आहे गटार योजना मंजूर होताच या कामाला सुरूवात होणार आहे आता विरोधाकडे बोलण्यास कोणताही ठोस मुद्दा नसल्याने ते निराधार आरोप करीत असल्याचे आमदार प्रताप अडसड आपल्या भाषणात म्हणाले.

शहरात महिलांच्या रोजगारासाठी क्लस्टर उभारणे तसेच विविध उपक्रम राबविणार असल्याचे अर्चनाअडसड यांनी सांगितले “अरुणभाऊ ची लेक बटन नंबर एक” असा नारा उपस्थित महिलांनी दिला यावेळी भाजपाचे पदाधिकारी तसेच वीसही उमेदवार यांची मंचावर उपस्थित होती.