वृक्षारोपण व वही वाटप करून चैतन्य कहाळे चा वाढदिवस उत्साहात साजरा

जि. प. उच्च प्राथमिक केंद्र शाळा आडगाव राजा येथे नाविन्यपूर्वक उपक्रम 

सिंदखेड राजा प्रतिनिधी – दिपक म्हस्के 

            तालुक्यातील ऐतिहासिक ग्राम आडगाव राजा येथे दि. ०४ जुलै २०२६ रोजी जि. प. उच्च प्राथमिक केंद्र शाळा, आडगाव राजा येथे चि. चैतन्य गजानन कहाळे याचा ४ था वाढदिवस सामाजिक, शैक्षणिक व पर्यावरणपूरक उपक्रमांनी उत्साहपूर्ण वातावरणात साजरा करण्यात आला. वाढदिवसानिमित्त शाळा परिसरात वृक्षारोपण करून पर्यावरण संवर्धनाचा महत्त्वपूर्ण संदेश देण्यात आला. “एक झाड लावा, पर्यावरण वाचवा” हा संदेश देत उपस्थितांनी पर्यावरण रक्षणाची सामूहिक जबाबदारी अधोरेखित केली.

विशेष म्हणजे, चैतन्य हा अंगणवाडीतील विद्यार्थी असून त्याच्या वाढदिवसानिमित्त अंगणवाडीतील लहान मुलांना वही वाटप करण्यात आले. या उपक्रमामुळे विद्यार्थ्यांमध्ये आनंदाचे वातावरण निर्माण झाले. शिक्षणाला प्रोत्साहन मिळावे आणि विद्यार्थ्यांमध्ये शैक्षणिक प्रेरणा वाढावी या उद्देशाने हा स्तुत्य उपक्रम राबविण्यात आला.

या कार्यक्रमाला शालेय मुख्याध्यापक संजय गायके सर, विनोद ठाकरे सर, तानाजी खरात सर, संतोष साबदे सर, सिद्धार्थ म्हस्के सर, अनिल झोटे सर यांची प्रमुख उपस्थिती लाभली. तसेच प्राथमिक आरोग्य केंद्र आडगाव राजा येथील वैद्यकीय अधिकारी मांन्टे सर, ग्रामपंचायत सरपंच संतोष चव्हाण, उपसरपंच रुस्तुम झोरे (मामा), अशोक कहाळे, माजी सरपंच शाम काळे, माजी उपसरपंच, तंटामुक्ती ग्राम अध्यक्ष संजय कहाळे, शाहीर भिवसन कहाळे, गजानन कहाळे, ज्येष्ठ सामाजिक कार्यकर्ते पंढरीनाथ कहाळे व इतर मान्यवर मोठ्या संख्येने उपस्थित होते.

लहान वयातच सामाजिक बांधिलकी जपत पर्यावरण संवर्धन आणि शिक्षणाला प्रोत्साहन देणारा हा उपक्रम सर्व उपस्थितांनी अत्यंत कौतुकास्पद असल्याचे सांगितले. कार्यक्रमाच्या शेवटी उपस्थित मान्यवरांनी चि. चैतन्य कहाळे यास वाढदिवसाच्या हार्दिक शुभेच्छा देत त्याच्या उज्ज्वल भविष्यासाठी शुभाशीर्वाद दिले.