आजच्या युगात शिवकाळ हवा ; अजय जिरापुरे यांनी चित्र रेखाटनातून व्यक्त केली इच्छा

धामणगाव रेल्वे

नाशिकच्या मालेगावमधील डोंगराळे येथील साडेतीन वर्षांच्या चिमुकलीवर अत्याचार करून तिची हत्या करण्यात आली. या घटनेने संपूर्ण राज्यात संतापाची लाट पसरली आहे…सर्वच स्तरातून या घटनेचा निषेध होत असून अनेकांना आरोपीला फाशीची शिक्षा द्यावी, अशी मागणी केली आहे. या घटनेचं वृत्त सुन्न करणारं आहे… या घटनेचा निषेध म्हणून….

चिरडली कळी, वासनेचा बळी
न्यायाची प्रतीक्षा, वर्षांनी शिक्षा
लेक वाचवा, लेक शिकवा फक्त कोऱ्या कागदांवर
कधी जागणार शासन, मोकाट फिरतायेत जनावरं…
नको होऊस बाळा,आता पप्पाची परी
हो बापाची वाघीण, ही दुनिया नाही बरी…..!

या आधारावरच  से.फ.ला. हायस्कूल, धामणगाव- रेल्वे येथील कला शिक्षक -चित्रकार अजय जिरापुरे यांनी फलकावर रंगीत खडूंच्या माध्यमातून चित्र रेखाटन करून त्या “चिमुकली यज्ञा” बाळाला न्याय मिळाला पाहिजे… व तसेच आपल्या प्रत्येकातल्या मनातले दैवत छत्रपती शिवाजी महाराज जागे व्हावे हि इच्छा आपल्या चित्रकौशल्यातून व्यक्त केली आहे.  तर ज्या काळात लेकीबाईंवर वाईट नजर टाकणाऱ्याच्या चुकीला सुद्धा माफी नसलेला काळ म्हणजे शिवकाळ हि आजच्या युगात काळाची गरज असल्याचे सुद्धा या चित्रातून संदेश देण्यात आला आहे.

ना निवडणुका, ना जाहीरनामा हवा
फक्त सिंहासनावर मावळ्यांचा राजा हवा…!
जो अन्यायावर तुटून पडेल आणि बलात्काऱ्यांचा भर चौकात चौरंग करेल…!

मुलगी आहेस म्हणून “स्वतःला” कधीच कमी समजू नकोस

तुझ्यावर “हात टाकणाऱ्या” कोल्ह्या, कुत्र्यांना फाडून टाकण्यासाठी “रणरागिणी” हो……!

पण त्या ” राक्षशी पुरुषी अहंकाराला” संपल्याशिवाय घरी येऊ नकोस..

आणि “जिजाऊची लेक व शिवछत्रपतीच्या स्वराज्यात” राहतेस हे कधी विसरू नकोस….