देवगाव चौफुलीवर भीषण अपघात ; पो. उप निरीक्षक राहुल वानखडे यांच्या ८ वर्षीय मुलीचा दुर्दैवी मृत्यू

भरधाव अँब्युलन्सने राहुल वानखडे यांच्या कारला धडक दिल्याने घडली घटना

धामणगाव रेल्वे

भरधाव अँब्युलन्सने देवगाव चौफुलीवर कार ला जोरदार धडक दिल्याने मोठा अपघात घडल्याची घटना उघडकीस आली आहे. झालेल्या भीषण अपघातात एका कुमारिकेचा दुर्दैवी मृत्यू झाल्याची माहिती प्राप्त असून घटनेचे थरारक दृश्य सीसीटीव्ही कॅमेरात कैद झाले आहे.

पो. उप निरीक्षक राहुल वानखडे यांची अपघातग्रस्त कार

तळेगाव दशासार चे पोलीस उप निरीक्षक राहुल वानखडे हे आपल्या पत्नी व ८ वर्षीय मुलीसह तळेगाव द येथे खासगी चारचाकी वाहन क्र. एम एच ३० ए झेड २९१० ने जात असताना देवगाव चौफुलीवर धामणगाव वरून यवतमाळ कडे भरधाव वेगाने जाणाऱ्या अँब्युलन्स वाहन क्र. एम एच २९ टी. ५८५७ ने कार ला जोरदार धडक दिली. त्यामुळे मोठा अपघात घडला. धडक एवढी जोरदार होती कि, त्यामध्ये पो. उप निरीक्षक राहुल वानखडे यांची कार चकणाचुर झाली असून त्यामध्ये त्यांची ८ वर्षीय मुलगी त्रिशा राहुल वानखडे हिचा दुर्दैवी मृत्यू झाला आहे. तर त्यांच्या पत्नी व ते स्वतः गंभीर जखमी असून त्यांच्यावर यवतमाळ येथे उपचार सुरु आहे. तर अँब्युलन्स मध्ये कोणताही रुग्ण नसताना चालक मध्यपान करून असल्याने भरधाव वेगाने गाडी चालवीत असल्याची प्राथमिक माहिती आहे. सध्यस्थित चालक पोलिसांच्या ताब्यात आहे.

कार ला धडक देणारी अँब्युलन्स 

मिळालेल्या माहितीनुसार मृतक त्रिशा वानखडे ही धामणगाव रेल्वे येथी एस ओ एस येथे तिसऱ्या वर्गात शिकत असून तिचा प्रथम क्रमांक आल्याने त्या आनंदात पोलीस उप निरीक्षक राहुल वानखडे हे आपल्या पत्नीसह शाळेत पेढे वाटण्याकरिता गेले होते. दरम्यान परत येत असताना देवगाव येथील पेट्रोलपंपवर पेट्रोल भरून परत तळेगाव द. येथे जात पोलीस कुटुंबाच्या आनंदावर काळाच्या घाला आला असून मोठी दुर्दैवी घटना घडली आहे. सदरच्या अपघाताचा संपूर्ण प्रकार चौफुलीवरून सीसीटीव्ही कॅमेरात कैद झाला आहे. अधिकच तपास तळेगाव दशासर पोलीस करीत आहे.