धामणगाव रेल्वे

‘गरुडा ९९’ आणि ‘जय हो’ बीटी कॉटनची कमाल ; दुष्काळी परिस्थितीत पिके दर्जेदार

कासारखेड येथे शेतातील प्रत्यक्ष पिकांची पाहणी ; शेतकऱ्यांना मोठा आधार

धामणगाव रेल्वे 

कमी पाऊस आणि दुष्काळी परिस्थितीमुळे बळीराजा संकटात सापडला असताना, उत्तम तंत्रज्ञान आणि दर्जेदार वाणांमुळे शेतकऱ्यांना मोठा दिलासा मिळत आहे. रेणुका ऍग्रो सर्विसेस (धामणगाव रेल्वे) यांच्या सौजन्याने आणि श्रीकर ग्रुप ऑफ कंपनीज (श्रीकर सीड्स) द्वारे आयोजित बीटी कॉटन ‘गरुडा ९९’ आणि ‘जय हो’ या वाणांचा भव्य पीक पाहणी व शेती व्यवस्थापन कार्यक्रम कासारखेड येथे उत्साहात पार पडला.
या कार्यक्रमाचे अध्यक्षस्थान सन्माननीय मल्लिका अर्जुन लिंगा यांनी भूषवले. पंचक्रोशीतील शेतकऱ्यांची मोठी उपस्थिती हा पीक पाहणी कार्यक्रम हितेश गोरीया आणि सतीश गोविंदराव शेलोकार या प्रयोगशील शेतकऱ्यांच्या शेतात आयोजित करण्यात आला होता. या पाहणीसाठी कासारखेड, वाघोली, हिंगणगाव, आणि तडणी या आसपासच्या गावांतील अनेक शेतकरी बांधव मोठ्या संख्येने उपस्थित होते.

कमी पावसातही बोंडांची भरगोस संख्या आयोजित पीक पाहणी कार्यक्रमादरम्यान उपस्थित सर्व शेतकऱ्यांनी प्रत्यक्ष शेतात जाऊन पिकाची पाहणी केली. दुष्काळी व प्रतिकूल हवामानातही ‘गरुडा ९९’ या बीटी कॉटन वाणाची झालेली उत्तम वाढ, झाडांवर लागलेली बोंडांची संख्या आणि पिकाची प्रतिकारशक्ती पाहून उपस्थितांनी समाधान व्यक्त केले. पाणीटंचाईच्या काळातही हे वाण शेतकऱ्यांच्या उत्पन्नाला आधार देणारे ठरत असल्याचे मत शेतकरी बांधवांनी व्यक्त केले.

कर्मचारी सह शेतकरी पिकांची पाहणी करताना 

या प्रसंगी कंपनीचे एरिया सेल्स मॅनेजर गोपाल सोळंके व सेल्स ऑफिसर मनीष पवनकर यांनी उपस्थितांना आधुनिक शेती पद्धती, योग्य खत व्यवस्थापन आणि पीक संरक्षणाबाबत मोलाचे मार्गदर्शन केले. तसेच, उत्कृष्ट पीक व्यवस्थापन व योगदानाबद्दल गोविंद शेलोकार, हितेश गोरीया, आणि गोपीचंद कांबटकर यांचा विशेष सत्कार करण्यात आला.
दुष्काळाच्या सावटात ‘गरुडा ९९’ व ‘जय हो’ हे बीटी कॉटन वाण शेतकऱ्यांसाठी आशेचा किरण ठरत असल्याचे सांगत सर्व उपस्थित शेतकरी बांधवांनी या उपक्रमाचे मनापासून कौतुक केले.
मुख्य संपादक : सुरज वानखडे

Featured

Welcome Post Advertisemnt

Advertisement

error: Content is protected !!