धामणगावातील तिरंगा सन्मान रॅलीमध्ये झालेल्या राष्ट्रध्वज अवमान प्रकरणात कांग्रेस आक्रमक

नेतृत्व करणाऱ्यासह आयोजकांवर कारवाईची मागणी

धामणगाव रेल्वे

शहरामध्ये १३ ऑगस्ट २०२६ रोजी भारतीय जनता पार्टीचे जिल्ह्याचे अध्यक्ष आमदार प्रताप अडसड व नगराध्यक्ष अर्चना रोठे त्यांच्या नेतृत्वात तिरंगा रॅलीचे आयोजित करण्यात आले होते. दत्तापूर ते छत्रपती शिवाजी महाराज चौकापर्यंत तिरंगा रॅली काढण्यात आली. मात्र या रॅलीमध्ये बऱ्याचशा लोकांजवळ राष्ट्रध्वजाचा अपमान करणाऱ्या उलटे राष्ट्रध्वज हातात घेऊन तिरंगा यात्रा काढण्यात आल्याचे निदर्शनात आले. त्यामुळे ध्वज आचारसंहितेच्या नियमानुसार आयोजकावर व नेतृत्व करणाऱ्या वर तात्काळ कारवाई करण्यात यावी यासाठी भारतीय राष्ट्रीय काँग्रेस पक्षाच्या वतीने दत्तापूर पोलीस स्टेशनचे ठाणेदार यांना तक्रार देण्यात आली.

देशाच्या स्वातंत्र्यासाठी ज्या शहिदांनी आपल्या प्राणाची आहुती दिली त्याचा हा अपमान आहे. हा अपमान कधीही सहन केला जाणार नाही म्हणत काँग्रेस पक्ष आक्रमक भूमिका घेत कारवाईचे निवेदन ठाणेदार यांच्याकडे देण्यात आले. तात्काळ कारवाई न झाल्यास वरिष्ठाकडे दाद मागण्यात येईल असे काँग्रेस पक्षाच्या वतीने यावेळी सांगण्यात आले.

यावेळी महाराष्ट्र प्रदेशचे सरचिटणीस परीक्षीत जगताप, जिल्हा युवक काँग्रेस कमिटीचे कार्याध्यक्ष अनिकेत ढेंगळे, तालुका काँग्रेस कमिटी अध्यक्ष पंकज वानखडे, अध्यक्ष चंदू डहाणे, युवक काँग्रेस तालुका अध्यक्ष मयूर डुबे, युवक काँग्रेस शहर अध्यक्ष आशिष शिंदे, माजी नगराध्यक्ष नवीन कनोजिया, सच्चिदानंद काळे, यशवंत बोरकर, प्रदीप मुंदडा, संदीप दावेदार, नितीन देशमुख, प्रशांत वानखडे, दिनकर जगताप, ओमप्रकाश बुधलानी, विपिन ठाकरे, विशाल बमनोटे, आकाश झेले, ऋषिकेश जगताप, शुभम भोंगे, तेजस दुबे, महेश पाच बुद्धे, सोनू शेख, संतोष पळसापुरे, रोफ भाई, अझर शेख, शुभम तरोणे, आशिष तूपट, शुभम क्षीरसागर, ओम प्रकाश हरवानी, अशोक बोदिले, संजय मोकाती, दर्शन भोगे, नरेश गावंडे, आदेश भोगे, असंख्य कार्यकर्ते उपस्थित होते.