विध्यार्थ्यांच्या सर्वांगीण विकासासाठी गंगाजळी येथे माजी विद्यार्थी समिती स्थापन

अध्यक्षपदी रोशन दाऊतपुरे उपाध्यक्षपदी मनीष माटे तर कोषाध्यक्षपदी महेश कुरसंगे यांची निवड

धामणगाव रेल्वे

ऑक्टोंबर २०२५ मध्ये विद्यार्थ्यांच्या सर्वांगीण विकासाबाबत, तसेच आपण ज्या शाळेमधून शिकून गेलो त्या शाळेविषयी आपली जुडलेली नाळ मजबूत करण्यासाठी शासनामार्फत शाळेचे मुख्याध्यापक यांना शासन परिपत्रक काढून माजी विध्यार्थी समिती स्थापन करण्याबाबत सुचविण्यात आले होते. त्या अनुषंगाने आज दिनांक २२ नोव्हे २०२५ शनिवार रोजी गंगाजळी येथील जिल्हा परिषद शाळेत माजी विद्यार्थी समिती स्थापन करण्यात आली.

जि. प. शाळा गंगाजळी येथे उपस्थित माजी विध्यार्थी सह मुख्याध्यापक डी. जे. राठोड सर

यामध्ये सर्वप्रथम शाळेचे मुख्याध्यापक श्री डी जे राठोड यांनी माजी विद्यार्थी समिती स्थापन करण्या मागची उध्दीष्टे, समितीची वैशिष्ट्ये कार्यपद्धती व रचना यांच्याविषयी मार्गदर्शन केले. तसेच समिती मार्फत विद्यार्थ्यांच्या सर्वांगीण विकास करण्याकरिता त्यांना भौतिक सुविधा उपलब्ध करून देणे त्यांचा गुणवत्ता विकास करण्यासंदर्भात तसेच भावनिक व सामाजिक बांधिलकी जोपासण्यासाठी ही समिती स्थापन करण्याचा हेतू आहे असे सांगितले.

यावेळी सर्वांनुमतें माजी विद्यार्थी समिती च्या अध्यक्षपदी रोशन सुभाष दाऊतपुरे, उपाध्यक्षपदी मनिष संजय माटे, कोषाध्यक्षपदी महेश राजेश कुरसंगे, सल्लागार सदस्यपदी बंडू रामदास वानखडे तर सदस्यपदी नरेश वसंत गावंडे, सुरज उत्तम वानखडे, कबीर पंजाब दाऊतपुरे, अनिकेत गोपाल दाऊतपुरे यांची संवानुमतें निवड करण्यात आली त्यानंतर सर्व पदाधिकाऱ्यांचे स्वागत करण्यात आले असून त्यांना पुढील वाटचालीस शुभेच्छा देण्यात आल्या.