धामणगाव तालुक्यातील ३६२ युवा कार्य प्रशिक्षणार्थीवर उपासमारी व काळी दिवाळी साजरी करण्याची वेळ ; प्रीतम घुंगरूळ

धामणगाव रेल्वे

विधानसभा निवडणुकीपूर्वी शेतकऱ्यांच्या मुलांना युवा कार्य प्रशिक्षणार्थी ही योजना काढण्यात आली. या योजनेअंतर्गत मुलांना वेगवेगळे आस्थापनेमध्ये प्रशिक्षण देण्यात आले ११ महिन्याचे प्रशिक्षण आता पूर्ण झालेला आहे तरी युवा कार्य प्रशिक्षणार्थी मुलांना कायमस्वरूपी रोजगार मिळावा अशी आशा लागलेली असून त्यासाठी सर्व प्रशिक्षणार्थी प्रयत्न करीत आहेत. एका बाजूने शेतकरी बापावरती ओढवलेली नैसर्गिक आपत्ती आणि दुसऱ्या बाजूने दिवाळीच्या अगोदर बेरोजगार झालेला मुलगा / मुलगी पाहून शेतकरी बाप हवालदील झालेला आहे. या राज्यातल्या महायुती सरकारने चक्क शेतकऱ्यांच्या मुलांना व शेतकरी बापाच्या तोंडाला पाणी पुसण्याचे काम केले आहे.

दि. १३ ऑक्टोबर रोजी तालुका अध्यक्ष प्रीतम घुंगरूळ यांनी धामणगाव रेल्वे मतदार संघाचे आमदार प्रताप अडसळ यांची भेट घेत सर्व मागण्या निवेदनाद्वारे त्यांच्याकडे मांडल्या व शासन दरबारी प्रयत्न करून धामणगाव रेल्वे तालुक्यातील ३६२ प्रशिक्षणार्थी यांना दिलासा देण्याचे काम करण्याची विनंती केली. तसेच कुठलीही दखल न घेतल्यास युवा कार्य प्रशिक्षणार्थी हे काळी दिवाळी साजरी करणार व दिवाळीनंतर चांदुर रेल्वे ते अमरावती कलेक्टर ऑफिस पर्यंत पायी मोर्चा काढून या सरकारचा निषेध करणार असल्याचे मत युवा कार्य प्रशिक्षणार्थी तालुका अध्यक्ष प्रीतम घुंगरूळ यांनी व्यक्त केले.