धामणगाव रेल्वे

लग्नाच्या आणा -भाका आणि वारंवार धामणगावातील “त्या ” हॉटेलमध्ये महिलेवर अत्याचार

झिरो एफआयआर वरून दत्तापूरात बलात्काराचा गुन्हा दाखल

धामणगाव रेल्वे

गेल्या काही दिवसापूर्वी शहरात अवैध धंदे, हॉटेलमध्ये सहजरित्या रूम उपलब्ध होत असल्याने प्रेमी युगालाच वावर मोठ्या प्रमाणात सुरु असून वेश्या व्यवसाय सारखा चर्चेचा विषय बनला होता. ती चर्चा सत्यात उतरण्याचे प्रकरण नुकतेच समोर आले आहे. एका २६ वर्षीय युवकांकडून लग्नाचे आमिष देत धामणगावातील हॉटेलवर वारंवार अत्याचार केल्याची घटना उघडकीस आली आहे. केलेल्या आत्याचारांमधून युवती गर्भवती राह्ल्याने आणि लग्नास नकार दिल्याने प्रकरण पोलिसात पोहोचले असून सदर युवकावर बलात्काराचा गुन्हा दाखल करण्यात आला आहे. सतीश मोरेश्वर घुमे वय – २६ रा. कोल्ही, ता. बाभूळगाव जिल्हा यवतमाळ असे आरोपीचे नाव आहे.

पोलीस सूत्राकडून मिळालेल्या माहितीनुसार १ डिसेंबर २०२५ ते ३१ डिसेंबर २०२५ या कालावधीत आरोपीने फिर्यादीला लग्नाचे आमिष दाखवून तिला फिरायला नेत धामणगावातील एका हॉटेलमध्ये तिच्यासोबत शारीरिक संबंध प्रस्थापित केले असे बरेचदा लग्नाचे आमिष दाखवून हॉटेलवर नेत अत्याचार केल्याने युवती गर्भवती राहिल्याने तिने आरोपीकडे लग्नासाठी विचारणा केली मात्र आरोपीने लग्नास टाळाटाळ केल्याने युवतीच्या तक्रारीवरून बाभूळगाव पोलीस ठाण्यातुन झिरो ऑनलाइन एफआयआर प्राप्त झाल्याने दत्तापूर पोलीस स्टेशन येथे दि. ३ ऑक्टोबर २६ रोजी सायंकाळी ६ वाजता बीएनएस कलम ६४ (१) व ६९ अन्वये आरोपी सतीश घुमे याच्यावर गुन्हा दाखल करण्यात आला असून पुढील तपास दत्तापूर पोलीस करत आहे.

शहरात हॉटेल व्यवसायाकडून पैशाच्या लालसेपोटी कुठलीही शहनिशा न करता सहजरित्या तासाप्रमाणे हॉटेल रूम उपलब्ध होत असल्याने असे प्रकार घडत असल्याची खमंग चर्चा आहे. तर पोलीस प्रशासनाचे सुद्धा याकडे दुर्लक्ष होत असल्याने हॉटेल व्यवसायावर कुणाचेच वचक नसून व्यावसायिक नियम पायदळी तुळवीत असल्याचे बोलल्या जात आहे. तर अशा घटना पुन्हा घडू नये म्हणून पोलीस प्रशासन याकडे गांभीर्याने लक्ष घालणार का ? ज्या हॉटेलमध्ये युवतीवर वारंवार अत्याचार करण्यात आला त्या हॉटेल व्यावसायिकांवर दत्तापूर पोलीस कारवाई करणार का ? याकडे संपूर्ण तालुक्याचे लक्ष लागले आहे.

मुख्य संपादक : सुरज वानखडे

Featured

Welcome Post Advertisemnt

Advertisement

error: Content is protected !!