शिक्षकांकडून अल्पवयीन विद्यार्थिनीचा विनयभंग ; गुन्हा दाखल, आरोपी अटकेत

धामणगाव रेल्वे –

तालुक्यातील नामांकित शाळा से.फ.ला हायस्कुल मधील एका शिक्षकाकडून अल्पवयीन शाळकरी विद्यार्थिनीचा पाठलाग करून तु माझ्या सोबत का बोलत नाही असे म्हणुन ट्युशन क्लासमध्ये जावुन तिचा वाईट उद्देशाने हात पकडत तिच्या गालावर थापडाने मारहान करत जर कुणाला काही सांगितल्यास तुला पाहून घेईल असे बोलून तिचा विनयभंग करीत शिक्षक आणि विध्यार्थी यांच्या नात्याला काळिमा फासणारी घृणास्पद घटना धामणगाव तालुक्यात घडली असून सदरचा प्रकार १० फेब्रुवारी ते २० फेब्रुवारी २०२४ च्या दरम्यान घडला आहे. राज मोहन रगडे वय – ४० वर्ष, रा. धामणगाव रेल्वे असे स्त्रीलंपट शिक्षकाचे नाव.

पीडितेच्या तक्रारीवरून दि. २० फेब्रुवारी रोजी दत्तापूर पोलीस स्टेशन येथे आरोपी शिक्षकावर कलम ३५४, 3५४ (डी), ३२३, ५०६ भादवि सहकलम ८, १२ पोक्सो अन्वये गुन्हा नोंद करण्यात आला आहे तर घटनेचे गांभीर्य लक्षात घेता वरिष्ठाच्या मार्गदर्शनाखाली दत्तापूर पोलीस स्टेशन चे ठाणेदार नितीन देशमुख यांनी तात्काळ गुन्हा दाखल करून घेत आरोपीला अटक करण्याकरिता पथक तयार करण्यात आले असून कालच आरोपीला अटक करण्यात आली असून आज वृत्त लिहिस्तोवर आरोपीला न्यायालयात हजर करण्यात अली असल्याची माहिती पोलीस सूत्रांकडून मिळाली आहे. तर सदर गुन्ह्याचा तपास पोलीस उपनिरीक्षक अश्विनी वाकडे करीत आहे

 सदरची कार्यवाही विशाल आनंद, पोलीस अधिक्षक अमरावती ग्रामीण, पंकज कुमावत अपर पोलीस अधिक्षक अमरावती ग्रामीण, उपविभागीय पोलीस अधिकारी उपविभाग चांदूर रेल्वे यांचे मार्गदर्शनाखाली पोलीस निरीक्षक नितीन देशमुख ठाणेदार पोलीस स्टेशन दत्तापुर, पो. उप निरीक्षक विष्णुपंत राठोड, पोहेकों अरूण पवार व नं २२८, पोहेको सागर कदम व नं १८१८ यांनी पथकांनी केली.

अल्पवयीन मुली किंवा महीलांना त्रास देणारे, त्यांची छेड काढणे, असे प्रकार घडत असल्यास संबंधितांनी त्याबाबत तात्काळ दत्तापूर पोलीस स्टेशन धामणगाव रेल्वे येथे माहीती दयावी.
       नितिन देशमुख – ठाणेदार, दत्तापूर पोलीस स्टेशन