डॉ. बाबासाहेब आंबेडकर पुतळा सौंदर्यीकरण कामाचे डॉ. अर्चना अडसड – रोठे यांचे हस्ते भूमिपूजन

धामणगाव रेल्वे

डॉ बाबासाहेब आंबेडकर यांच्या समता, बंधुता, न्याय आणि शिक्षणाच्या विचारांचा संदेश समाजाच्या सर्व स्तरांपर्यंत पोहोचविण्यासाठी त्यांच्या विचारांचे दर्शन पुतळा सौंदर्यकरणातून घडविणार असल्याचे मत आ. प्रतापदादा अडसड यांनी व्यक्त केले.

शहराच्या सर्वांगीण विकासाला चालना देत नगरपरिषद कार्यालय परिसरात असलेल्या डॉ. बाबासाहेब आंबेडकर यांच्या पुतळ्याच्या सौंदर्यकरणाच्या ३० लक्ष रुपये किमतीच्या कामाचे भूमिपूजन महामानवाच्या जयंतीदिनी आ. प्रताप अडसड यांच्या पुढाकाराने नगराध्यक्षा डॉ अर्चना अडसड – रोठे यांचे हस्ते करण्यात आले यावेळी प्रमुख अतिथी न. प उपाध्यक्ष गिरीश मुंदडा, बांधकाम सभापती मंजिरी भोगे , यांची उपस्थिती होती.

डॉ.बाबासाहेब आंबेडकर यांचा पुतळा परिसर हा सामाजिक व ऐतिहासिक दृष्ट्या अत्यंत महत्त्वाचा असून दररोज मोठ्या संख्येने नागरिक, विद्यार्थी आणि आंबेडकरी अनुयायी येथे भेट देतात त्यामुळे रात्रीच्या वेळी उत्कृष्ट दृश्यतेसाठी विद्युत रोषणाई, स्वच्छता व्यवस्था पुतळा परिसराचे सर्वंकष आणि नियोजनबद्ध सौंदर्यीकरण करण्यात येणार असल्याचे नगराध्यक्षा डॉ अर्चना अडसड – रोठे म्हणाल्या.

यावेळी नगरसेवक नरेंद्र चौधरी, डॉ. हेमकरण कांकरीया, गोपाल द्विवेदी, रवि कुकरेजा, मुरलीधर पतके, दर्शन राठी, जगदीश रॉय ,विलास बूटले, अंशुल बडगैया, , प्रतिभा खोब्रागडे, मनिषा शिरभाते, रीना साहू, रंजना शेलोकार, सीमा बागडे, प्रियंका जवंजाळ, काजल उपरीकर, सीमा पेंदाम, अंजली मार्वे,तसेच बाबासाहेब आंबेडकर कर्मचारी संघटनेचे विलास पाटील, सुरेंद्र मनोहर, ईश्वरदास बागडे, संजय श्रीरामे, रीपाई आठवले गटाचे नेते प्रशांत मुन, रवी मेश्राम सिद्धार्थ टाले, सदानंद कांबळे प्रेम मोटघरे, भाजपा महिला आघाडीच्या जिल्हा उपाध्यक्ष ज्योती पाटील यांची उपस्थिती होती.