सर्वज्ञ हॉस्पिटलमध्ये नॉर्मल डिलिव्हरीला प्रथम प्राधान्य ; महिन्याकाठी ४ ते ५ यशस्वी प्रसूती

डॉ. सविता अप्तुरकर यांनी तीन वर्षांत १०० च्या जवळपास केल्या नैसर्गिक प्रसूती

धामणगाव रेल्वे

सध्यस्थित धकाधकीच्या जीवनात मानवाच्या खानपानात मोठा बदल झाल्याने तसेच सर्वच सुखसोयींच्या सुविधा सहजरित्या उपलब्ध झाल्याचे मानवाच्या शरीराची हालचाल फार कमी झाली आहे. त्यामुळे मातेच्या नैसर्गिक प्रसुतीचे प्रमाण अत्यंत कमी झाले असून सिझेरियन प्रसुतीचे प्रमाण मोठ्या प्रमाणात वाढले आहे. काही ठिकाणी तर धोका उद्भवू नये म्हणजे आधीच सिझर करावे लागते म्हणून मोठी रक्कम संबंधितांकडून उकळल्या जाते. मात्र या उलटची परिस्थिती आपल्याला धामणगाव शहरातील सर्वज्ञ हॉस्पिटल येथे जाणवली आहे येथे नैसर्गिक प्रसूतीला प्रथम प्राधान्य दिले जात असून सध्यस्थित महिन्याकाठी ४ ते ५ नैसर्गिक प्रसूती यशस्वीपणे पार पाडण्यात येत असल्याने सर्व सामान्याकडे डॉ. सविता मनीष अप्तुरकर याच्या कार्याचे सर्वत्र कौतुक होत आहे.

डॉ. सविता मनीष अप्तुरकर

गर्भवती महिलांना सुरक्षित, विश्वासार्ह आणि दर्जेदार प्रसूती सेवा उपलब्ध करून देण्याच्या उद्देशाने २०२३ मध्ये रुग्णालयात प्रसूतीला आवश्यक असलेला सेटअप सुरू करण्यात आला. प्रसूतीसाठी लागणारी आधुनिक उपकरणे, आवश्यक सुविधा तसेच अनुभवी वैद्यकीय कर्मचाऱ्यांची व्यवस्था करून ही सेवा सुरू करण्यात आली. ऑक्टोबर २०२३ मध्ये सर्वज्ञ हॉस्पिटलमध्ये पहिली यशस्वी प्रसूती पार पडली. त्यानंतर सातत्याने गर्भवती महिलांना योग्य मार्गदर्शन, नियमित आरोग्य तपासणी आणि प्रसूतीपूर्व काळजी देण्यात येत असून यामुळे अनेक महिलांना सुरक्षित व नैसर्गिक पद्धतीने प्रसूतीचा लाभ मिळत आहे. विशेष म्हणजे सध्या नॉर्मल डिलिव्हरीचे प्रमाण अत्यंत कमी असतानाही मार्च महिन्यात ४ ते ५ यशस्वी नॉर्मल डिलिव्हरी करण्यात आल्या असल्याने रुग्ण व त्यांच्या कुटुंबीयांकडून समाधान व्यक्त करण्यात येत आहे. तसेच सन २०२३ पासून आतापर्यंत सर्वज्ञ हॉस्पिटलमध्ये १०० च्या जवळपास नैसर्गिक प्रसूती यशस्वीपणे पार पडल्या असल्याची माहिती डॉ. सविता अप्तुरकर यांनी दिली.

सर्वज्ञ हॉस्पिटल मधे गर्भवती मातासह नवजात बाळाची सुद्धा घेतली जाते विशेष काळजी

एकीकडे डॉ. सविता अप्तुरकर या सर्वसामान्यांचा विचार करून नैसर्गिक प्रसूतीला प्राधान्य देताना त्यांचे पती बालरोगतज्ञ डॉ. मनीष अप्तुरकर यांच्याकडून सुद्धा रुग्णालयात नवजात बालकांची विशेष काळजी घेतली जाते. धामणगाव तालुक्यात बालरोगतज्ञ म्हणून डॉ. मनीष अप्तुरकर यांचे नाव लौकिक आहेतच मात्र तालुका स्तरावर सर्वात कमी दरात आणि दर्जेदार वैद्यकीय सुविधा उपलब्ध करून देणे हे आम्हा पती-पत्नीचे ध्येय असल्याचे डॉ. सविता अप्तुरकर यांनी यावेळी स्पष्ट केले. या माध्यमातून धामणगाव शहरासह परिसरातील महिलांना विश्वासार्ह प्रसूती सेवा उपलब्ध होत असून नैसर्गिक प्रसूतीबाबत जनजागृती देखील होत आहे. आगामी काळात अधिकाधिक महिलांना सुरक्षित व दर्जेदार आरोग्य सेवा उपलब्ध करून देण्याचा प्रयत्न राहणार असल्याचेही त्यांनी सांगितले.