७५ वर्षीय उपोषणकर्त्या वृद्ध महिलेची प्रकृती खालावली ; उपोषणाचा दुसरा दिवस

प्रशासनाच्या हालचालींना वेग ; मात्र तोडगा नाहीच

धामणगाव रेल्वे 

गेल्या दोन दिवसापासून ७५ वर्षीय वेणूबाई बोरकर हक्काचा शेत रस्ता तसेच झालेल्या नुकसानभरपाई साठी तहसील कार्यालय धामणगाव रेल्वे समोर उपोषणाला बसल्या आहे. दरम्यान आज त्यांची प्रकृती खालावली आहे. तर प्रशासनाच्या सुद्धा हालचाली वाढल्या असून काल साय. प्रभारी तहसीलदार ऋतुराज पटोरकर तसेच मंडळ अधिकारी नरेंद्र उईके यांनी उपोषण स्थळी भेट देऊन उपोषण मागे घेण्यासंदर्भात चर्चा केली मात्र त्यावर तोडगा निघाला नाही. तसेच आज दि. २४ जानेवारी रोजी पोलीस स्टेशन तळेगाव द. येथील ठाणेदार किरण औटे तसेच दत्तापूर पोलीस स्टेशन चे ठाणेदार गिरीश ताथोड यांनी उपोषण स्थळाला भेट देऊन प्रशासनाला सहकार्य करण्याची विनंती केली मात्र उपोषणकर्त्या आपल्या मागण्यांवर ठाम असल्याकारणाने कुठलाही तोडगा अध्यापपर्यंत निघालेला नाही. तर अनेक सामाजिक कार्यकर्त्यांनी उपोषणस्थळी भेट दिली असता बोरकर कुटुंबाची मागणी रास्त असल्याने त्यांना मोठ्या प्रमाणात जनतेचा पाठिंबा मिळत आहे.

मानवता बुद्ध विहारातील उपासिकेनी दिली उपोषण स्थळाला भेट 

महसूल प्रशासनाने आमच्यावरही वेळ आणली – रामेश्वर बोरकर

रस्ता मोकळा करण्याबाबत वरिष्ठांचे आदेश असतानाही महसूल प्रशासनाने कामात दिरंगाई करीत मला रस्त्यापासून जाणीवपूर्वक वंचित ठेवले आहे. त्यामुळे माझे अतोनात नुकसान झाले आहे. एवढच काय तर रस्त्याच्या काळजीपोटी माझे वडील सुद्दा मरण पावले त्याला सर्वस्वी जबाबदार हे महसूल प्रशासनच आहे. येवढ होऊन सुद्धा प्रशासनाला सामान्य जनतेची कुठलीच पर्वा नसल्याने नाईलाजाने माझ्या कुटुंबावर उपोषण करण्याची वेळी आली असून मला व माझ्या कुटुंबाला उपोषण करण्यासाठी महसूल प्रशासनानेच प्रवृत्त केले असल्याचा आरोप यावेळी उपोषणकर्त्या महिलेच्या मुलाने केला आहे.