अखेर….. त्या बलात्कारी भोंदू बाबाला अटक ; स्थानिक गुन्हे शाखेची कार्यवाही

१४ दिवसांपासून देत होता पोलिसांना हुलकावणी

अमरावती –

गेल्या १५ दिवसापासून बलात्कारी भोंदू बाबा पोलिसांना चकमा देण्याचे काम करीत होता परंतु ते म्हणतात ना कानून के हात बहोत लंबे होते हे. त्याच प्रमाणे स्थानिक गुन्हे शाखेच्या टीम ला मार्डी येथील बलात्कारी गुरुदास भोंदू बाबाच्या मुसक्या आवळण्यात अखेर यश मिळाले आहे. दी. ८ फेब्रुवारी रोजी रात्री ११ च्या सुमारास मध्य प्रदेशची राजधानी भोपाळ येथील एका लॉज बाहेरून अटक करण्यात आली असून दि. ९ फेब्रुवारी रोजी सकाळी त्याला अमरावती ग्रामीण पोलीस मुख्यालय आणण्यात आले.

           मध्य प्रदेशातील जबलपूर येथील एका ३५ वर्षीय महीलेच्या तक्रारीवरून कुऱ्हा तालुका तिवसा पोलीस स्टेशन मधे २५ जानेवारीला रात्री मार्डी येथील सुनील कावलकर उर्फ गुरुदास बाबा (वय ४७) या भोंदू बाबा विरुद्ध बलात्काराचा गुन्हा दाखल करण्यात होता. त्याच दिवशी अन्य एका महिलेच्या तक्रारीवरून त्यांच्याविरुद्ध विनयभंगाचा गुन्हा देखील नोंदविण्यात आला. त्याच्या शोधार्थ पोलीस पथके नागपूर, यवतमाळ जिल्ह्यातील वणी, वर्धा येथील त्याचे आश्रम व घर तथा मध्य प्रदेशातील काही ठीकाणी जाऊन आले. मात्र तो मोबाईल वापरत नसल्याने त्याचे लोकेशन पोलिसांना मिळत नव्हते.

भक्ताच्या हालचालीवरून अडकला भोंदूबाबा पोलिसांच्या जाळ्यात

स्थानिक गुन्हे शाखेने गुरुदास बाबाच्या एका भक्ताच्या हालचालीवर लक्ष ठेवले असता  एफ आय आर दाखलच्या १४ व्या दिवशी ८ फेब्रुवारी रोजी त्याच्या भक्ताच्या माध्यमातून सुनील कावलकर उर्फ गुरुदास बाबा हा दिल्लीहून भोपाळला येत असल्याची माहिती एलसीबीला मिळाली. त्या आधारे एलसीबीच्या पथकाने गुरुवारी भोपाळ गाठले. तथा खास माहितीच्या आधारे त्याला गुरुवारी रात्री भोपाळ रेल्वे स्टेशन लगतच्या एका लॉज बाहेरून ताब्यात घेतले. ओळख पटविल्यानंतर पोलीस खात्यातील एलसीबी चे पथक त्या गुरुदास बाबाला घेऊन शुक्रवारी सकाळच्या सुमारास अमरावतीत पोहोचले. येथे आल्यानंतर अप्पर अधीक्षक पंकज कुमावत तथा चांदुर रेल्वेच्या सह स्थानिक गुन्हे शाखेचे प्रमुख किरण वानखडे यांच्यासमोर त्याची पेशी झाली. त्यानंतर शुक्रवारी दुपारी तिवसा न्यायालयात हजर करण्यात आले.